Nachspiel med Coverheads – Catten, Kulturveko på Os Kulturveko er ikkje over før Coverheads har sett sitt preg på Catten! Coverheads er duoen Daniel Fregstad (vokal/gitar) og Thomas Lambach (gitar/vokal/bass) – to rutinerte musikarar frå Bergen/Os med lang fartstid frå bergensband som har turnert både inn- og utland. Dei veit akkurat korleis dei skal få eit rom til å eksplodere. Med eigenproduserte backingtracks og ein setliste som spenner frå bluegrass til metal, tek Coverheads deg gjennom eit musikalsk landskap du aldri visste du trong. Kjende låtar, stort driv – og to karar som ikkje held seg til scenen. Coverheads går gjerne rett ut blant publikum og spelar, og plutseleg står dei ved sida av deg. Det er den slags nachspiel dette er! Dette er kvelden der grensa mellom scene og dansegolv viskes ut. Bli med!